Sidan det var ramadanfest i går var det stille på vegane og det hjalp på farten. Spesielt på dei dårlege partia.
Kort oppsummert over gårsdagens kjøring kan vere:
- 950 km
- 12,5 timar
- 2 land
- 10 stopp for registrering av papir
- 2 kontrollar av bagasjen der den eine innebar opning av kassar og testing av gitaren
- 12 andre kontrollpostar med bom eller spikermatte
- 1 post der eg måtte bruke tid på å forklare kvifor eg ikkje hadde kjøpt turist vignett til bilen (kor skal ein forresten finne det i opprørssona)
- 3 bompengepasseringar
- Fleire tusen slaghol
- 50 innertiarar (minst) på slaghola (det dårlegaste eg kunne klare var ein og annan 9-er). Nokre kom så fort hjula rakk ikkje dei 20 cm ned i botnen før vi var forbi, bilen, lasset og eg.
(bilete er frå mahouland i november, kjent gate for dei som budde her)- Diesel 2 gonger
- Passersetel
- Batteri til mp3-spelaren
- 1 nytestamente
- 8 traktatar
- 1 brus
- 1 sjokolade
- 1 flaske vatn
- Telefonnummerert mitt
- Litt pengar klarte eg ikkje å snakke meg vekk i frå, klarte nokre plassar og nesten andre plassar. Eg har ein mistanke om at grunnen til at vi «blir innskrivne» i bøkene er ofte berre at vi skal måtte betale.
Det var godt med middag og ei god seng i Yamousoukro. I dag er det berre 230 km igjen til Abidjan.
Så igjen takk for forbøn.
PS! Gjer ikkje vont om du ber for siste etappe og opphaldet i Abidjan også! :)
Ingen kommentarer:
Legg inn en kommentar